十月十三日的田草日賽，不少馬匹賽前有試閘，波仔認為呢三匹大閘好走勢馬匹同大家分享一下，先係第四場「盛世名駒」，今季試第一個閘雖然追勢唔差，但可能潘一哥覺得馬仔唔夠貫注，所以第二同第三課即閘加個全眼罩去試，結果兩課閘起步都有，跟守馬群後都追得好好，似乎搵啱配備，今場落班上陣對手唔強，有力爭勝。
第二匹係第五場「你知我得」，最近兩課交比艾兆禮熟習馬性，末段追勢好，同樣三試大閘既佢應該開哂氣，雖然初跑此程，但翻查曾在港同父馬「燈胆王子」「勝靈之駒」同「觔斗雲」初次增程千四下都有好表現，所以今次報呢場未的無的放矢。
最後一匹係第九場「歡樂至寶」上場慢步速形勢追得好，跑入三甲表現不俗比上季贏馬時更進步，埋門大閘兜大彎徐徐追上，形勢比上仗更進，雖然同樣初跑千四，但步速未必快，唔考驗氣量之餘，鬥爆既話佢一啲唔輸蝕。
