馬蕭蕭揀第2場，以一匹四歲馬做馬膽，此駒前仗跑泥地排12檔採留後追一段的跑法，早段遇慢步速，入彎居包尾走四疊，臨出彎已移至六七疊，入直路才慢慢催策，連一記正手鞭都沒有打的情況下，交出最快末段追回獎金名次，走勢吸引眼球。
今次賽前試齊大細閘，操練十分積極，換上騎練合作成績甚佳的艾兆禮，檔位內移，如早段跟得順利，應可勝回一場。配腳方面，可以選回3匹在泥地表現穩定的馬匹。
波仔揀第四場一匹六歲馬做馬膽，呢匹馬前一場於谷草走住不利場地追入殿軍，同日走此跑線有好走勢馬如「寶進」「極速滿貫」及「燭光晚餐」之後都可以再交出成績，而上仗雙蝕兼受阻的敗績相信用力唔多，埋門騎師親作快跳，走勢見對辦，續排好檔估計要把握機會攻堅。
配腳同樣揀出自689場次的一匹四歲馬，此駒上仗都是稍有受阻下追入位，另外在757場次一疊沿途走三疊兼蝕步速的四歲馬，檔位內移也要兼顧。還有一匹八歲輕磅馬，近仗跑不合路程敗績不合作準。
