馬蕭蕭揀第3場，以一匹四歲馬做馬膽，此駒季內尚可在70至72分水平打疊上名，當時跟「和平波」及「遨遊武士」只是相差半個馬位，其後的表現不進反退，但前仗尚可在強組的谷草1650米上名。
剛戰落敗後便轉投巫偉傑，試大閘的走勢吸引，其後的操練輕微放緩，6月23號再拍細閘打磨，狀態不用擔心，韁口也比在上手馬房時順滑得多，稱得上是判若兩駒，按季初的賽績，現居四班是虎入羊群，如交出水準，能轉廄即勝的機會極高。配腳方面，可以選回3匹高分馬。
波仔揀第十場一匹四歲馬做馬膽，呢匹馬大前兩仗係劣勢追得好，然後鄰近幾匹賽駒之後都係三班交到成績，相信此駒能力可立足三班，上仗中段受阻勒避再要兜出大外疊蝕雙蝕形勢，查5月31日只得一匹彎位走三疊馬上名，而同日已有數匹此劣勢賽駒翌仗大幅提升名次，所以此駒能追回一席第五表現亦收貨。
同樣出自727場次的一匹四歲賽駒，剛戰同樣走三疊蝕腳程，此駒跑法亦見彈性，假如有步速兼直路中外檔後追有利的話，可防變身。另外兼顧一匹由谷轉田草的賽駒，此駒上仗彎位踩油稍為耗力，敗績未可作準。最後還有一匹於上仗追入位的賽駒亦要加入考慮。
