馬蕭蕭揀第2場，以一匹四歲馬做馬膽，此駒於615場次角逐谷草1200米，入直路走不利跑線以個半馬位之差得第五，賽事的段速不俗，跑第二至四名的馬匹其後都能贏馬，屬強組賽績。
之後轉往1650米發展，氣量似乎有所不及，但上次除去頭罩以快步速拍放的表現不算差。今場跑回1200米，負磅已比上述的賽事輕了6磅，跟實力指標「新力」的負磅來回相差11磅，單計死數絕對有條件爭勝，可作半冷膽。配腳方面，可以拖回一隻正路馬及兩匹冷馬。
波仔揀第三場一匹初跑谷草的四歲賽駒，大前仗於田草千四劣勢追近，鄰近數匹對手之後都可交出表現，上仗則在前快後正常稍不利追步速再度追近，足見馬兒作戰狀態不弱，今仗選擇打皇牌轉谷草，對手減弱一大截，而馬房季內也有田轉谷草成功例子，故檔位內移且有賠率，可以一搏。
其餘配腳一匹同樣田轉谷賽駒，馬兒三仗前於三班同程跑近，賽事水準套諸今組鱔用有餘。另外兩匹配腳為近仗於同程入位有狀態的賽駒。
