第一場「希廄6歲馬」從化閘雖然見前胸汗濕多，但起步拖後直路移出大外檔追前甚多，觀感不俗，如遇天雨變化地可能更有助此駒發揮。第二場「方廄5歲馬」泥閘起步唔慢，但其前速不足以在短途閘展現，然而在濕重場地久起動下，末段移出追勢不俗，落腳亦唔重，狀態不弱。
第四場「黎廄3歲新馬」從化閘按住前速不俗，單騎放領入直路換腳快，直路按住順勢而回，姿態算輕鬆，不過總時間偏慢，增程換另一批對如因大閘而變太熱門則要考慮值搏率。
第五場「姚廄3歲未勝馬」泥閘起步唔慢，亦輕鬆咬守前列，直路輕鬆跟守主馬群而回，狀態足以保持，同組「希廄4歲馬」加眼罩閘大閘雖見馬兒韁口可以更放鬆，但開步闊且力度不俗，質新馬循序漸進，可留意走勢，此駒將於第四場上陣。
第六場「方廄5歲馬」上仗賽後稍稍遲復課,但埋門三試大閘加強備戰，泥閘起步反應唔差，彎位沿內疊未有起動，但直路末段於馬群中有追勁。
第七場「黎廄3歲馬」前一課大閘刻意跟前，直路欠後勁，然而埋門泥閘起步後拖住跟跑，直路移出中外檔有追，似乎廄主都試出馬兒最佳跑法。同組還有「方廄3歲忠心馬」大閘中起步唔慢，輕鬆拖住跟守前列，直路初轉腳後長韁自動湧上，走勢出色，此駒將於尾場列陣。
第八場一對蔡廄馬均有大閘砥礪，先是「6歲賽駒」起步甚快，沿途跟前走勢輕鬆，另一匹「4歲精英」起步稍稍慢，一貫居後競跑，直路移出外檔追，開步展揚有力。
第十場「丁廄3歲馬」埋門泥閘起步反應好，鞍上人拖住外疊競跑，直路逢馬過馬追勢利落，積新馬朝氣勃勃。
