十月十三日的田草日赛，不少马匹赛前有试闸，波仔认为呢三匹大闸好走势马匹同大家分享一下，先系第四场「盛世名驹」，今季试第一个闸虽然追势唔差，但可能潘一哥觉得马仔唔够贯注，所以第二同第三课即闸加个全眼罩去试，结果两课闸起步都有，跟守马群后都追得好好，似乎搵啱配备，今场落班上阵对手唔强，有力争胜。
第二匹系第五场「你知我得」，最近两课交比艾兆礼熟习马性，末段追势好，同样三试大闸既渠应该开哂气，虽然初跑此程，但翻查曾在港同父马「灯胆王子」「胜灵之驹」同「筋斗云」初次增程千四下都有好表现，所以今次报呢场未的无的放矢。
最后一匹系第九场「欢乐至宝」上场慢步速形势追得好，跑入三甲表现不俗比上季赢马时更进步，埋门大闸兜大弯徐徐追上，形势比上仗更进，虽然同样初跑千四，但步速未必快，唔考验气量之余，斗爆既话渠一啲唔输蚀。
