第一場「紅鬃烈馬」老黃忠試谷閘起步反應仍好，跟守前列尚有兩起，但稍嫌過終點後餘勢可以更好，但勝在今場快馬唔多且用上搶閘夠快的賀銘年，希望早段可霸守好位，跑入前列。
第四場「日頌月讚」上仗賽前也有渡江試閘，今次再度試谷閘雖然名次唔起眼，但當日直路走中外檔路段應該稍差，而且泥地敗績，應是不利地受害者，轉跑草地可當初出馬看待，所以未可完全批死。
第五場「生生勝利」三歲馬最近試泥閘在無配備之下食沙後騎落肯追前有反應，似乎馬兒成熟程度及泥地性能未必太差，值得記存，今仗初出排檔一般，但也看留意走勢。
第九場「時尚風趣」上仗賽後轉上從化操練，三月尾試閘沿途前置，末段雖按韁無騎 但走勢的確一般，最近試直路閘，起步同樣唔係太快，中段有騎的確有追，但同樣稍嫌過終點後，餘勢略欠一點貫注力，今次升班作賽，對手並非太差，獨贏要考慮值搏率。
