第一場「神煞金剛」最近加眼罩試泥閘，早段比兩步已緊咬主馬群，轉彎移出追勢不弱，終點後餘勢不俗，似乎配備帶到刺激，第五場「運高八斗」九月兩試泥閘均見起步反應快。
然而埋門一課直路移出後貫注力提升，狀態逐步見好。同場「金主」最近加眼罩的從化閘前速提升，雖然轉彎出腳有點嫩水，但末段換啱腳加速力不俗，初出馬可留意走勢。
第八場「信心星」八月中期開始恢復快跳，埋門兩試大閘熱身開氣，埋門千二大閘早段唔慢腳，跟守馬群躍躍欲試，直路鞍上人鬆韁拖實走勢輕鬆。
第九場「開心寶寶」季內算早復課，第一課泥閘馬群食沙而且被馬壓住都有追勁，埋門泥閘起步唔慢，直路移出走勢輕鬆，狀態亦到位。
第十場「魅影獵飛」泥閘不論有眼罩如否直路追勢都見好，狀態不比上季尾贏馬時差，而泥地跑罷今仗後至一月也毫無賽程，戰意無疑。
另外「都靈福星」陣前已有三課大閘砥礪，埋門千二閘起步順滑，彎中食起動上前兼直路走勢相當從容，狀態及鋒而試。
