大家好，歡迎再次來到「堅仔試閘靚馬」今次十月二十二日的日草日賽入面不乏初出賽駒，更有七十九匹參戰馬於賽前曾經試閘，當中波仔係當中揀來試閘有好走勢既馬匹同大家分享，看看馬迷們會否加入核心範圍考慮一下。
第二場「電訊龍駒」從化大閘同上次賽事一樣起步唔慢，直路移出追勢好好，呢匹三歲馬上次係九月二十四日的田C追得好，同日三場千二米追得好既馬如「果然僥倖」「威力奔騰」再出都有好表現，所以直路重重圍困好遲望空既「電訊龍駒」既表現值得重視。
第三場「球星」上仗看似守好位之下僅得一席位置，但相對其他馬應該直路走不利路段，埋門從化大閘跟守兩匹馬中間穿上不俗，馬匹成熟感有進，亦見奮鬥心，今場快馬唔算太多，有前既佢不排除容易上前守好位。
第九場「知足常樂」 因應賽程唔多所以練馬師提早同馬匹試閘磨狀態，埋門再試多個應該有開氣作用，泥閘輕鬆跟守兩匹快馬，狀態可延續上季尾贏馬時，再有好檔位，有力重現上季尾贏馬時形勢。
第十場「敏捷神駒」同樣係九月二十四追得好的賽駒，如果唔係直路取位唔順分分鐘可以追得更近，埋門泥閘起步應聲搶出，直路走入面較不利路段輕鬆跟返，狀態應比上仗有進，今次加程到贏馬路程當然係爭勝份子。
