歡迎返來堅仔晨操勇馬環節，9月20日谷草夜賽安排8場賽事，有兩場賽事出馬只有7匹，正所謂馬少少嘅場合就要睇馬蕭蕭，上次有觀眾話，咁你又唔講出馬少嗰兩場，既然係咁，今次就同大家拆解晒第1場賽事所有馬匹，除咗用晨操角度，仲會用埋堅仔嘅其他功能揀馬。另外，再講多一次呢個節目會搵到嘅用意，睇晨操片，除咗了搵Fit馬，更仲要係搵到走規、跑姿有進步嘅馬，呢類馬以往喺陣上未必有太多走勢或根據，賠率上多數好分啲，正正就係有投注價值嘅馬。
馬蕭蕭短評：
「神舟飛駒」前次一步不蝕且佔步速之利能在「摯多福」半個馬位之前過終點，實力接近，卻難言突出，今次排1檔配布文，表面條件仍足，然而9月6號才上從化試閘，最後一課落草地亦要大力催策，有點趕功夫的味道，退居邊線。
「暖在你心」已沉寂多時，評分亦從98分的高位回落至70分，轉投廖康銘馬房後，在新的環境和訓練模式下，六歲馬又重新活躍起來，在試閘之後，跟譽滿欄邊的「勇趣」拍跳亦不落下風，最後試跑所見，肉身馬的線條顯現，狀態已全面復勇，負126磅強配布文排1檔，只要能交出全盛時的八分水準，足以在這場三班賽爭勝，有力替馬房打開勝利之門。
