今期谷草夜賽重槌Ryan 為大家分析兩場賽事，第五場馬膽揀選由爭冠練馬師伍鵬志訓練巴度策騎的6號「海藍寶」，呢匹四歲澳洲自購新馬，曾在沙田千二米兩次跑出超快步速交出成績。
今次轉跑谷草對手減弱，加上四班千二米拆三組，同程實力馬更見薄弱，此駒跑法前速飛快，常常可以單騎領放。前快後快完成千二米途程，而且排了三檔同組沒有快放馬鬥燒形勢大好，入頭二名不難做到，實力馬膽不二之選，其他配腳留於影片供各位堅仔馬迷參考，謝謝。
另外一場介紹第七場馬膽取用1號「博望坡」，呂健威季尾階段鬥志鮮明，馬房上下全力衝冠，此駒經常可負重磅下仍然奮力衝刺，尤其以520場次特別衝得好勁，該役頭三段慢標準時間近兩秒，對後上馬形勢非常不利，負著135磅竟然能夠做出終極末段時間22.48爆炸力好驚人，預計今場步速唔會太快，沿途守二疊直路望空就可以一網打盡，半冷馬膽可作今場首選，配腳除了上次贏得岀色的「飛漲」外，亦會推介另外幾匹冷熱兼備的邊線馬讓大家參考，影片內會詳盡講解。
