今次谷草賽事出馬仍未算太多，都有冷清場合，而今集同大家介紹兩匹試閘靚馬，其中第五場［3加非凡］暑假係從化操練無大間斷，埋門試閘起步反應敏捷，前後兼備，相信已準備就緒攻堅。
另一匹就係賀賢馬房既［實力派］最近試泥閘見馬仔躍躍欲試，末段追趕力強，今次返谷草贏馬路程，不妨比多次機會。
「加非凡」於從化踱步工序，沒有特別休養，上仗以熱門身份落敗，但不要忘記，上場偏快步速，馬匹沿途走二疊望空競跑，難度比一步不蝕的「紅衣火旺」更高。再看蹄下敗將「心想事成」、「小刺蛋」、「至尊高飛」，之後上陣都交到好表現，足見此駒的亞軍水準絕不失禮。今場有正常步速的話，擁千四氣量及識得追的牠相信會好跑，是打開勝門的好時機。
「實力派」上場賽前突然落雨，很可能影響了馬匹發揮，末段時間移入中內欄，於當日屬於不利場地，可以作為戰敗藉口。埋門泥閘試來躍躍欲試，作戰意慾強，今場有「雅典武士」及及排中外檔的「電氣騎士」「電子宇宙」等快馬，估計早段步速應不慢，料採後上的牠會合跑。
