今集堅仔冷馬精選，首先呼籲各位可參與全民揀冷馬遊戲，得獎者將可獲豐富獎品。第二節同大家回顧昨日谷草日既賽事，主持揀左一匹蝕慢步速賽駒作為跟進馬。
第三節當然同大家揀今次谷草夜賽既冷馬，波仔揀第五場［4.赤火驍龍］上仗初出狀態未足，直路走近不利路段敗不足據，鄰近走較有利路段的［美麗攻略］及［對衡之星］已相繼補中，今仗找回人馬合三作三次兩入位的巴度，排好位有權爆出冷門。
另外一匹是第七場［2.迎樂］十月四日晚的谷C+3無一匹走三疊馬上名，而牠蝕快步速之下末段未有潰散，今仗內側馬匹前速唔快，十檔起步有機會切入二疊，形勢比上仗好，有力出冷。
馬蕭蕭揀第4場6號「皇者烽火」，上季在高水準的769場次露光，之後降至四班輸了一場1400米，上仗跑谷草1200米 一度受困，望受後衝刺平平，極有可能是防沙眼罩的影響，復課快跳即除去防沙眼罩，試閘走勢亦不俗，由潘頓換蔡明紹，勢將有合理的分頭，提防施回馬槍。
至於另一匹心水馬則是第6場7號的「健康心靈」，今季馬身明顯養壯，剛戰起亦可以恢復游水，但上次臨場的票數軟弱，直路發力時外閃，或許是不合變化地，復課繼續由希威森包辦兩課快跳，對於一匹上次跟好位落敗的馬匹而言，算是相當重視，可多給予一次機會。
