第二場「連連勝利」蔡廄馬埋門試加油閘起步反應快，沿途望空競跑，走勢一氣呵成，姿態輕鬆，似乎五月才復出跑兩仗的牠，狀態逐步回升，第四場「超平凡」在港四試大閘跟守馬群下已見追勁，相信有一定成熟程度。
今場不乏快馬開路，有正常步速或對其跑法有利，初出可防。第六場「勝意」泥閘起步唔慢，鞍上人隨即拖後競跑，直路移出外疊徐徐追上，純計狀態同樣有進無退，奈何排檔一般，賽前先作配腳看待。
第八場「飲杯」上仗衝閘走甩退出而已，重新操練後埋門泥閘砥礪起步順滑，末段外檔順勢推騎考驗反應不俗，中距離血統增程可敲。
第九場「以戰常勝」季內只跑兩仗的牠，埋門繼續有大閘工序，布文親試全程順跟而已，馬兒過步甚俐落，新勝馬狀態猶勇。
同場另一匹新勝馬「安康萬里」今次小休個多月上陣，埋門試閘提提馬匹快要出賽的部署合理，泥閘起步反應好，早段密腳放頭，直路餘勢從容，保持好狀態替馬房爭冠。
