今次請來美孚區民間高手Eric，Eric擅長投注WP過關，一般以2關作為基礎，今次推薦2x3獨贏及位置過關供大家參考，另外再推薦一條連贏及位置Q，同樣過2關，且看他能否成功，帶堅仔馬迷一同發大財。
頭關選擇第3場，首選7號「巴閉哥」，馬匹抽得3檔好檔，屬高上名率檔位，馬於2班經常交出水準以上表現，實力上不用懷疑，加上大賽巴度特醒，今場馬少場合絕對能輕鬆入Q。二選選擇同屬實力份子4號的「綠族無限」，近5次賽績十分硬淨，檔位佳而馬房今季實力馬例必搏殺，季尾爭練馬師冠軍無不搏道理。
尾關選第6場，首選為3號「遨遊武士」，人馬非常合作，檔位亦有利馬匹放頭，仍在4班實力超班，馬匹4歲當銳於四班只是過客，不容忽視。第二選揀選1號「陸知」，今場降班排一檔，可守好位，上場已見狀態起，今場對手比上場水準低，作為配腳非常合適。第三選9號「星河小子」，騎練實力座騎經常會搏，機會馬周俊樂寧舍醒神，馬匹同程成績特佳，希望作為今場比較好分的一匹配腳。連贏及位置Q一膽兩腳會是今場選擇。
