第二場「科創世紀」十二月泥閘起步稍被夾殿後競跑，馬兒沿路跟守馬群食沙下走勢算放鬆，但直路立韁再騎反應未算起勁，埋門一月頭再試，前速不俗，但末段稍力弱，型靚未足。
第三場「祥龍駒」九月初曾無戴任何配備下於濕慢泥地試閘，沿途跟守馬群入直路移出肯追，之後十二月再試泥閘跟前肯追，似乎馬兒可應付泥地賽場。
第七場「競駿輝煌」出賽頻率轉趨正常，於從化兩試大閘更見安心，而馬兒於大閘中跟前競跑輕鬆，直路移出追勢亦好，狀態復勇八九。
同組「陽光勇士」起步唔慢，隨即留後貼欄競跑，直路再轉位追前亦見勢頭，狀態長期見好。
「玩笑」泥閘起步順利後順勢留後而已，馬兒彎位上前以及直路換腳姿態從容，過終點餘勢亦好，新勝猶勇。
第九場「壯志凌雲」加面箍試泥閘起步稍稍迫夾下略慢，但隨即已可跟上大隊，直路沿中檔上前走勢利落，而「玩笑」壓住跑亦無隨之而減速，可見馬兒作戰狀態不俗。
此外「仁心星」經過腹絞痛手術後季內初出，賽前四試大閘作砥礪，埋門泥閘起步反應及前速猶在，末段力抗對手贏出大閘，狀態已回復一定水準。
