大家好，歡迎再次來到「堅仔試閘靚馬」今次十月二十五日的全泥夜賽正選報名馬有101匹，當中過半數參戰馬曾於賽前有試閘，主持波仔係揀左兩匹試閘好走勢既馬匹同大家分享，看看馬迷們會否加入核心範圍考慮一下。
第一場「日就月將」十月中的泥閘起步反應敏捷，一如上仗出賽之時，不過上仗因排上大外檔所以被迫留後角逐，最終能夠克服慢步速劣勢追入亞軍，再結合今次試閘的好表現來看，這匹賀廄賽駒近況相當不俗，今次檔位內移，早段未必需要留得太後，相信係爭取久違的頭馬最佳時間。
第四場「紅運大師」其實在颱風取消賽事前的一課大閘已有介紹比各位馬迷朋友，而今次賽前泥閘起步反應一樣敏銳，末段走勢清風送爽，七歲馬因為取消賽事囤積更多新鮮感及體力，相信對中年馬是有利而無害，環顧今場快馬不少，相信對於跑法彈性既佢更易發揮。
