第一場「精彩駿將」從化草地閘當有馬發脾氣擾攘時，已入閘的牠乖乖企定，成熟及脾氣算好。起步雖唔係最快，但天生速度不俗，貫注力不弱 奈何今仗排檔未算理想，但可先留意走勢。
第五場「幸運震撼」數課大閘起步都有點論盡，且轉彎稍欠順滑，不過直路上頗受騎，初出排好檔，如有分頭可兼顧一票。
第八場「一定掂」上星期泥地閘起步唔慢 但隨即拖後競跑，雖然沿途仍有點搶口現象，但馬兒食沙後直路望空見追勢，狀態比上仗有進，初跑千四也未可盡忘。
第九場「果然僥倖」泥閘起步反應好，前速不俗順勢移入內欄順放，末段保持同速直奔終點，回看上仗鄰近對手再出成績好，套諸拆組已夠用。
第十場「天天同樂」泥地閘起步快閘，雖然韁口未最放鬆，但直路換腳後仍保持好走勢，狀態有進無退，另一匹有試閘的「開心寶寶」泥閘起步正常，沿途輕鬆跟跑，無配備食沙後，直路走內檔未見反抗，保持良好作戰狀態。
