今個賽日主題賽為第八場的三級賽 — 皇太后紀念盃，而「多巴先生」為我首選馬匹。「多巴先生」氣量有足夠證明，前季曾勝此項三級賽，之後遮打盃亦跑得唔差，計馬匹其腳法相信牠算是一匹「愈長愈好」的賽駒。
然而上季經過一輪遠征後，馬兒狀態直線下滑，上季尾連番大敗亦屬正常。今季第一場跑千六米二級賽沙田錦標表現不俗，追前甚多，相信馬匹開始回復水準。加上今賽前戴眼罩試兩課閘都走得暢順，同場對手大多洩分跑，而且都在季內搏得多，稍賺體力的「多巴先生」今次負磅絕對有利，贏位兼投。投注策略：第八場 3 多巴先生 1w3p，連贏及位置Q：3拖1、7、11
「飛輪步」今季絕對on form，可惜喘鳴症影響馬匹甚深。但今仗在無馬放的場合排著外檔應可單騎領放，若走得順無馬逼的話應不會有喘鳴這個狀況出現。再者馬匹外觀長期見靚，四月二十七號快操見馬兒步頭有力，走來從容不逼，且愈走愈順，相信這匹五歲馬狀態正處高峰，今次勢成半冷可搏。
投注策略：5 飛輪步 1w3p
我推薦WP過關2x3，頭關第８場：3 「多巴先生」及尾關第１１場：「5飛輪步」，謝謝！
