馬蕭蕭揀第1場，這場五班泥地1800米賽事，有一匹五歲馬初出已可入Q，繼而在四班強組上名，質素應非庸材，上場跑泥地1650米，屬馬房第二選擇，隔3星期也只有基本快跳，沒有試閘，但臨場落飛，由19倍落至14倍。
直路全程未能望空的情況下跑第四，餘勢甚佳，明顯仍有在手，可說是試出彩虹。賽後卻獲減1分，今場得以降至五班出賽，賽前試了一課大閘，操練比上次積極，試閘出閘反應甚佳，之後輕鬆按返，最後試跑充滿墜手感，馬身飽滿，狀態是來港後最出色的一次，外祖父是「天文學家」，按血統增程應更佳，排檔理想，有力一網打盡。配腳方面，幾匹高分馬都是主要範圍，可以兼顧。
波仔揀第四場一匹大前仗於同程入位的賽駒，呢匹馬相隔兩場再返從化操練，大閘起步應聲彈出，沿途灑開大步一放而回，馬兒角逐情緒不俗，再回看大前仗鄰近對手如「錶之多多」及「隼閣」之後都可在五班泥地賽贏馬，相信賽事水準不弱，兜轉泥地一哩及濕慢泥地的落敗賽績後，可防跑回正常泥地下變身。配腳先揀兩匹有季內同程入位的賽駒，以及一匹陣上漸見轉好的半冷馬。
