波仔揀第二場「白鷺金剛」作馬膽，此匹三歲馬大閘已見有天生速度，而且韁口唔重易操控，埋門泥閘輕鬆跟前，直路換腳再加速走勢良好，質新馬已具作戰狀態，查同父馬亦傾向早熟，預計今場有正常步速，對識追馬的牠會更易發揮。
配腳先兼顧一匹同程新勝馬，其次是一匹上仗早在三班同程見追劼，而上仗彎位及步速稍不利的賽駒，還有一匹檔位大幅內移的年輕賽駒作冷腳。
馬蕭蕭揀第6場，以一匹五歲馬做馬膽，此駒大前仗勝出時可以彈離「東方飛影」、「金主」及「勁大威猛」勝出，時間亦可人，屬出色頭馬。前仗受困落敗之後，剛戰再跑同程排14檔，早段且戰且走搶前，頭兩段已比標準時間快1.1秒，入彎仍繼續催策，頭3段快了近2秒，未能回氣之下末段便告力弱，卻仍只是以兩個半馬位見負，而且身旁的對手絕非善男信女，評分肯定仍有上升空間。今次賽前的操練一如贏馬時，繼續保住帥印的艾道拿棄新勝馬而就，值得信賴，排4檔可減低犯錯機會，若交出應有水準，有坐二望一的資格。配腳方面，幾匹內檔馬都有可博之道，可以兼顧。
