波仔認為第一場快馬林立，應該有正常甚至偏快步速，所以馬膽揀一匹預計會賺步速的賽駒，此駒前仗跑同程追勢仍不俗，然而直路貼實內欄應屬不利路段，否則應有更好表現，埋門快跳仍然起勁。
中年馬在季中階段有此走勢十分理想，正如前文提及有步速之利，望有助更發揮。配腳揀一匹賽前轉上從化小休而臨的賽駒，此外一匹季初曾勝此程的賽駒，以及大前仗跑同程餓腳程有追的賽駒。
馬蕭蕭揀第3場，以一匹三歲馬做馬膽，此駒初出跑1400米蝕慢步速已可在水漣不弱的賽事追近，繼而在強組再一次蝕慢步速跑第四，潛力令人憧憬。前次跑1600米沿途走四疊仍所負不遠，一哩的氣量已有一定證明，剛戰回師1400米，早段轉用跟前跑法，卻削弱了後勁。
今次戴羊毛面箍轉戰谷草1650米，早在一月時試谷閘已見走勢順暢，最近兩課快跳戴羊毛面箍，一揮而就，懶性大減，配備應有幫助，馬身及毛水越來越靚，勇況與日俱增，排檔理想，可多給予一次機會。配腳方面，3匹內檔馬都各有可博之道，值得兼顧。
