馬蕭蕭揀第1場，今場五班1400米，曾在同程勝出的只有4匹馬，其中一匹季內曾於強組上名，而且最近首次上從化，對於一匹中上年紀的馬匹，會有額外的刺激作用，回港快跳已見火力待發，今次強配排好位，形勢十分有利，屬馬膽之選。
配腳會揀一對路程有根據的馬匹，今次都有備而來，邊線馬則拖回另一隻質素尚未見底而試閘及快跳有好走勢的馬匹。
波仔揀第五場 一匹三歲質新馬作為馬膽，此駒上仗初跑泥地，因為沿途有兩匹賽駒走規不順影響下，導致牠走更外疊，可謂人地跑千二，佢就跑千四，但最終在濕慢泥之下末段追回跟主馬群到終點的表現已算收貨，雖然上仗是濕泥賽績，但復課再於正常場地的泥閘中見追勢，再結合大多數「情深義重」的子嗣泥地賽績做依據，相信此駒不一定只可應付濕泥！
配腳揀回兩匹季內跑同程相當出色的賽駒，以及一匹近仗陣上形勢欠奉而落敗的賽駒。
