馬蕭蕭今次先揀第２場的 ６「獨步天下」，雖未曾出賽，竟毫無年青的稚氣，快跳十分淡定，然而馬身卻已收好，在從化試閘曾顯示速度，試第1個閘已可跟有短途速度的「天火同人」拍實過終點，在港試閘則嘗試留後，在催策下頗受騎，能交出不俗反應，埋門再拍草閘，操練積極，有力一出即勝。
至於第７場的３「笑哥兒」，早在177場次已有走勢，狀態並不差，上場跑不合腳法的谷草，敗績可以抹去，今次跑回田草2000米，同場放頭馬不多，應可單騎領放，相隔17日再戰仍試加油閘，動態積極，有力出冷。
波仔就揀第１場５［逐步贏］上仗久休復出，狀態未足，而當日C跑道可以話無欄無命，所以三疊踩油上前，最終少負三身位的表現絕對收貨，今戰賽前大閘再力騎務求省起狀態，用意向善。
另外一匹冷馬揀第４場４［勇進齊心］上仗排檔欠佳，沿途遇快步速走三疊形勢更蝕，敗績可有藉口，中距離馬埋門試短途閘輕鬆跟守好位，末段貫注力猶在，今場預計可守兩匹前領馬身後競跑，形勢不俗可作冷腳一敲。
