第二場「日日獎」上星期試泥閘起步唔慢，直路沿欄輕輕落騎功追勢不俗，回師最有根據的泥地千二，強配要防，第四場「日頌月讚」三月初於直路不利地閘已見走勢，之後再到谷草試閘前後兼備，外祖父有泥地色彩，若外檔起步順勢切入走順，冷勿盡忘。
第六場「年少有威」最近加眼罩試閘，雖然起步仲係稍慢，但鞍上人不用大力推騎下都輕鬆跟上前列，似乎眼罩配備對馬兒有正面幫助。第七場「熊噹噹」近日泥閘起步唔慢且輕鬆跟守前列，狀態不俗，出自強組411的牠，早在泥地賽中見追勢，兜轉後重臨泥地，可以兼顧。
第八場「都靈福星」不止一次泥地閘食沙後肯追，觀乎父母兩線均出自美國種氏，不排除轉場試出彩虹。
