移至主內容

第一場「無敵精英」賽前濕慢泥地閘,起步唔慢之餘,中段上前走勢唔差,終點後餘勢亦好,而同組試閘中,伍廄另一匹戰駒「精明選擇」起步稍慢,雖然落敗馬位較遠,但其實只是沿大外疊順勢競跑而已,所以不用太介懷,此駒將在第二場上陣。

第四場「魔法速遞」回配贏馬拍檔湯普新試泥閘,馬兒起步其實唔慢,但只是拖後競跑而已,而直路上於馬群中見追勢,反映作戰狀態不俗。

第五場「文明福星」轉單邊眼罩試泥閘,起步唔慢且前速亦唔慢,末段於內檔推騎考驗不俗,雖然排檔一般,但馬兒早前於好段速水準有走勢,大冷可拖。

第六場「競馬一心」賽前除去眼罩兩試大閘,埋門泥閘起步雖稍慢,但沿途無早前陣上咁搶口,今仗轉場上陣,對手稍減弱,強配排好檔可兼顧。同組「我做到」起步後跟跑而回,輕抒步頭跟跑而回,此駒將於第七場上陣。

第八場「精算暴雪」從化閘起步受他駒干擾,所以要留後競跑,然而蔡廄馬多數試閘也無刻意推騎而馳,所以名次不用太理會。

第九場「多利彩駒」上次取消賽事前也有試大閘,亦有再此欄推介,今仗排檔形勢不俗,有力爭補中。

標籤