第４場方廄賽駒「加非凡」近日試泥閘沿途走外疊，直路無轉腳一啖氣走返黎，表現唔曳，再睇返呢匹四歲馬上仗雖然大熱門身份只得一席第２，但該場步速偏快，牠算是前置馬中表現最好一匹，屬反趨勢賽績。
今次排檔的確差，但首先換來一定值搏率，如果起步後跟「皇帝英明」及「馬有運」切入而取得有遮擋的二疊位，或許形勢未至於咁差，所以核心範圍仍可兼顧。
第７場「喜蓮勇感」最近加面箍試泥地閘走勢貫注，相信呢個配備更加幫助馬匹走規更集中。睇返呢匹三歲仔前一場前快後快贏谷草同程，上仗沿途外疊蝕了當日跑道偏差，敗績都可以抺去，重遊勝途有力回馬槍。
