首先同大家玩玩全口民揀冷馬遊戲，揀中冷門連贏有機會贏取堅仔賽馬APP 一個月月費，第二節同大家睇返十月二十五日既全泥夜賽有咩特色以及值得跟進既馬匹。
第三節當然搵冷門心水啦，馬蕭蕭揀第3場12號「恆駿之寶」，上季能連續3場上名，能力並非太差，今季跑了3場，一邊跑起狀態，一邊減分，剛戰終於有較像樣的走勢，復課安排拍跳和試閘，操練明顯加強，現評19並需負115磅，狀態到位，已屆時候出擊。
至於另一匹預計有點分頭的機會馬便是第4場5號的「八心之威」，上季角逐谷草1000米是68分的三班頭馬，現時重臨此程，評分已比當時低12分，最近在從化快跳火氣旺盛，狀態已回勇，只要屆時不喘鳴復課，能交出應有水準的機會甚高。
而波仔揀第一場［勝利鐘聲］上仗縱使步速上稍有利，但半個彎移出三疊，腳程也蝕，末段緊跟主馬群而回，不排除重戴眼罩有正面作用，甚至五歲仔有機會現在才踏入成熟階段，預計今場快馬多，識佢既佢都會好跑。
另一匹係第五場［金鼓齊昇］上仗彎位移得太出，都蝕腳程，衝程短賽騎轉戰谷草短直路也合，查同父馬［包裝大聖］初跑谷草即可上名，埋門從化閘應聲彈出，作戰情緒不俗，因無谷草賽績而換來賠率，可以一敲。
