馬蕭蕭先揀第4場的「機緣醉夢」，相隔22日再出賽，期間只有兩課快跳，操練程序較疏落，表現亦一無是處，似乎是為落班鋪路，今次隔31日再跑，快跳課期充足得多，回師1400米是外地的贏馬路程，在港亦曾於三班強組跑近，身處四班，隨時一網打盡。
至於第8場的「觔斗雲」表面上要蝕分，但季初於田草1800米蝕位無數能入Q，繼而於二級賽「中銀香港馬會盃」跟今場大部分主要對手跑平磅只以一個馬位見負，今場負115磅不會吃虧，賽前拍草閘快開一課打磨，屬有備而來，成冷門可以一博。
波仔都係揀第四場［金德義］上仗跑嫌短谷草千二直路貼近內欄不利路段有追，而休後復出計算表現唔算差，賽後即快復課且再有試閘相信健康回穩，跑回長直路田草應更合發揮。
第六場［凱旋時光］人馬合作上季兩戰均可入位，十一月後操練回復正常，埋門跟近態不弱的有財有勢試大閘同到終點，快步速場合對岳頭的牠更易留放，縮程而臨亦有氣量優勢。
