出戰第５場「巴閉哥」十月中從化泥閘起步反應對辦，坐程輕鬆跟返，雖然今次初配董明朗上陣，但馬性溫馴跑法主動既佢容易發揮，加上今場無乜放頭馬，估計有機會再賺一次步速形勢。
第９場「朗朗乾坤」今季已經三試大閘，應該足夠熱身開氣之用，近日泥閘起步反應都係好，末段移出追勢亦輕鬆，呢匹５歲賽駒上季788總場次係高水準賽事，今場應該有啲步速，形勢都好跑，而同組大閘亦有「新力高升」同「神舟時代」走勢端好。
第１０場「飛鷹翱翔」同「巴閉哥」同組試閘，雖然起步慢左，但直路移出走勢好，另一匹更加有季內賽績的「黃腳鱲」泥閘起步反應好，上次前快後快咁贏，蹄下敗仗「神虎龍駒」再出已經補中，賽事水準好。而呢一對前置馬尾場有機會操控步速，大家不妨優先留意。
