第二場「佳景臨門」谷閘起步唔慢，鞍上人隨即拖後角逐，直路移出追勢唔差，今場快馬多形勢有利牠後上發揮，第四場「天威」上季尾一戰快步速唔斷，走勢有進，轉馬房後立即開操，埋門谷閘起步反應唔曳。
直路雖然有騎，但要測試反應來匯報也屬合理做法，進度循序漸進。另外「怡昌精神」谷草起步稍受阻要拖後競跑，而直路上再度考位緊迫受阻隨之收慢無再騎，所以大閘名次不用太介懷。
第五場「高份數」谷閘拖後競跑，直路移出最大外檔有利路段追勢不俗，「千杯敬典」起步反應理想，末段猶有餘勁，今場內側快馬未算太多，有利移入搶欄競跑。
第六場「精益大師」泥閘前速猶在，前後兼備，狀態及鋒而試。同組有份試的「駿步騰飛」換上眼罩後走規轉順，直路中外檔追勢見好，配備有助。
第八場「明心知遇」起步唔慢隨即拖後競跑，直路抄出大外疊追勁利落，跑罷一仗後狀態有進。其次「撼天鐵翼」早段夠快跟守高班馬，直路上無再大力催迫，走勢亦對辦。
