馬蕭蕭揀第6場以「英駿飛駒」做馬膽。「英駿飛駒」轉投游達榮馬房後於上場初出，當日A欄的上半場次大利後上，此駒早段望空走三疊，之後在快步速持續上前，入直路一度出頭，到最後100米才漸漸力弱得第四，表現已相當出色，轉廄後進步明顯，在現評分有頗大的上升空間。相隔5星期再戰同程，賽前先往從化操練，回港再拍跳，勁而不急，落腳充滿彈力，狀態比剛戰又進一步，換艾道拿再次排5檔，只要發揮比剛戰稍好，已有足夠贏面。
配腳方面，「金主」上場雖然佔了形勢之利爆出冷門，但姿態有餘未盡，勝後再試一閘，稍稍提示已交出反應上前，四歲馬續有進步，可爭連捷。「卓越蒨鋒」最近兩場角逐1600米都遇上快步速，採不同跑法都可跑第二，表現穩定，今場排6檔起步，跑法彈性，可望再爭三甲。「勁大威猛」上場加眼罩出賽，佔快步速之利後上得第三，表現只是尚可。拚後往從化操練，先拍細閘，再試大閘，埋門再落草地，操練十分積極，試閘轉用跟前跑法的效果不俗，今場排2檔起步，應不會再留前鬥後，有提升表現的變數，要兼顧。
波仔揀第八場「穿甲戰鷹」做馬膽，此駒今季跑四戰三班田草千四，雖然只得一亞一季，但266一役蝕步速兼抄大外疊蝕腳程得殿軍，之後362場次更加直衝入馬群堆失蹄可以當無跑過。上仗則在好段速水準組別下跑入一席季軍，而同組已有三匹賽駒再度上名，賽事水準不太差。
配腳「錶之宇宙」雖然上仗鄰近多匹對手於直路上取位際遇欠佳，而牠則暢通無阻贏馬，但畢竟是強組327出品，新勝馬快跳仍然對辦，論態無走樣，三歲馬有權繼續進步，配腳要揀。「樂勝天下」近兩仗起步大失機又或者排外檔留後遇超慢步速，所以敗績未可完全作準，查同父馬不乏增程千四成功例子，從化唞夠，操好配合馬房明星馬大舉出撃。「至尊高超」五檔起步有力輕鬆跟守領放馬競跑，形勢會好，出道至今五戰未甩三甲馬，核心範圍仍要兼顧。
