馬蕭蕭揀第1場的「戰鬥英雄」季內尚可兩次入Q，戰鬥力未完全退化，上仗賽後被減掉3分，剛好可以降至五班出賽，今次賽前的操練明顯加強，在從化既有拍跳，回港後亦有試閘，埋門再試一課草地，期間也兩次出外圈踱步，程序上是季內最積極的一次，回配陳嘉熙減5磅，有力出冷。
至於第5場的「觀天下」，上次賽前已見牠頗肯追馬，到出賽時排了11檔，臨場還要遇上軟地，對信心似乎打折扣，出閘快但拖至包尾，入直路好整以暇慢慢才移出望空，能收復5個多馬位的失地追近，其末段時間跟「極速贏」相近，走勢也已經露光。今場又排11檔，雖難言理想，對手卻比上次弱，不無突圍而出的機會。
波仔揀第七場係「機緣醉夢」及「好精神」兩匹跟進馬之間揀一匹，最後選取可能賠率上相對較冷的後者，此駒早在四月跑同程少負五身位，而鄰近的對手之後可以再贏，上仗在前置馬包攬大局下追得最好，屬反趨勢賽績，除哂配備表現有進，今場預期都有啲步速，排好檔可以冷敲。
另一匹是第九場在港初出的「豐盛」，在新加坡上陣八戰取四勝四位，表現準繩，而且大多數跑法為主動跟前，在港三試大閘跟守馬群後識追，最尾一個閘起步更見利落，直路越過的「亞機拉」同「以戰常勝」走勢不弱，估計適應土及進度不俗，初出排好檔可敲。
