馬蕭蕭先揀第４場１２「快如龍」，黎昭昇上季贏３５場，有２４場來自跑馬地，今季贏６W亦悉數來自谷草，「快如龍」在田草和泥地等等的不同路程兜兜轉轉，剛戰踱江終現真身，在最後400米狂追７個馬位僅負。
喘鳴馬沒有急於出賽，相隔28日再報名，其間戴眼罩試閘，今次出賽亦換上此配備，可期有更佳的演出，黎昭昇上季憑「旋里多彩」勝出這場騎師賽首關賽事，今回力求重溫好夢。
至於第８場３「開心寶貝」同樣來自黎昭昇馬房，早熟自購馬來到五歲已沒有進步，今季一邊尋求新出路，一邊減分，剛戰跑1200米可收復一點失地，試準後即大力做功夫，先從從化試閘，回港再試谷閘，重戴眼罩屬贏馬配備，評分只比贏馬時高２分，憑1400米頭馬的級數，轉戰谷草1200米，有力出冷。
波仔揀第六場４「勇創派對」睇中佢都係前一場谷草日賽的強組水準，而上場一來跑盲門田草，二來直路初取位際遇亦一般，故敗績可以忘卻，今仗回師更有根據谷草千二，有快領馬場合，一檔起步預計貼欄競跑會有幫助。
第九場 3「笑哥兒」前仗賽前已見狀態已提升，奈何直路取位欠缺機智，錯失爭勝機會，上仗在大利內欄的跑道偏差下，走外疊的牠敗在形勢差。今仗檔位內移且前置馬偏少，有權先賺步速形勢，成冷可敲。
