今次夜馬賽前有試閘馬匹只有廿一匹，第一場「大登殿」上仗賽前已在此提及馬兒泥地性能一般，過程跑得好之前的泥閘也是無甚走勢，加上今次泥閘時泥頭甚多，似乎更加令馬兒食沙後唔走而已。
第五場「竣誠駒」賽前泥閘早段見前速可緊咬「綫路達飛」，長途馬試短途閘並不慢腳之餘，過終點餘勢甚好，北半球四歲馬持續大勇之境。
第六場「風起雲湧」泥閘起步唔係最快，半程跟返上前，末段餘勢恰好，而組一同出試的「傳承者」直路末段追勢唔曳，稍有起色，不過這組閘末段時間並非突出，總時間相對同日兩組差，所以水準有待確認。
第七場「綠色好威」泥閘前速不俗，跟前二疊望空競跑，直路末段類似有跳影表現，走規的確有瑕疵，不過今仗一檔起步，有力重現上季同程贏時的形勢。
第八場「綫路達飛」跟「竣誠駒」同一組出試，前駒起步反應及前速理想，直路中段換腳後保持走勢。同場「加州得力」從化試閘官方評起步唔快，但其實非應聲彈出而已，馬兒之後兩三歲已跟上「佳運發」及。添喜運」兩匹具前速馬匹，直路走勢仍好，狀態對辦。
