上場落飛搏失馬 — 今次落飛搏失馬只有6隻，數量極少，其中一隻上次久休復出，體重上升42磅，馬身偏肥，臨場仍然由偏熱的5.4倍落至4倍開跑，結果只以個半馬位之差得第五，表現不算差。千三磅大馬有過一場熱身，狀態有好轉，排檔理想，有權補中。
當旺騎師為艾道拿，黃寶妮最近在田草頻頻得手，可是小妮子仍未能於谷草上陣，而當旺騎師落在艾道拿身上，自從潘頓受傷缺陣，艾道拿是其中一位受惠騎師，自2月12號起，出戰7個賽日已取得11場頭馬，當中更憑「球星」贏大賽，今次將會策騎6匹馬上陣，當中不乏實力坐騎，哪一匹最突出?
當旺練馬師「蔡約翰」— 蔡約翰、希斯及方嘉柏最近都頻頻贏馬，而前兩位練馬師現時都以37場頭馬暫居練馬師榜的榜首，勢頭甚盛，今次蔡約翰今次出馬5匹，其中有兩隻隔7日又跑，彷彿有無限體力，當然值得留意。
上場最快末段 — 今次賽事有12隻馬在剛戰造出最快末段，而第9場有4隻馬，其中一隻初跑谷草1800米即勝，雖然佔快步速之利，但完成時間甚快，而且餘勢極佳，明顯有餘未盡，今次打王牌打報同程，可爭連捷。
