堅仔賽馬app全新節目［堅仔冷馬精選］，今集主持人馬蕭蕭和波仔先同大家回顧昨日十月十五日既田草日賽，當中沙田錦標邊匹跑來志不在此呢，仲有邊匹需要跟進呢。
節目第二部份同大家玩玩新遊戲，大家揀中冷馬隨時贏取獎品。
最後一節波仔同馬蕭蕭揀佢地心水冷馬，首先係第三場，波仔認為係快馬唔多場合，而容天鵬馬房既雙贏在港試閘見速度，如果今場順利帶出有機會在步速形勢上得到優勢。另外一匹係第七場平常心，呢匹馬比起上季初入位之時減左十七分之多，今次賽前再到從化操練，部署亦似上季初，今場快馬亦多，不排除啱佢既後上跑法。 而馬蕭蕭發現最近轉倉到羅富全既馬初出已經可以交出成績，而第七場論文係2022年大不列顛錦標盟主，如今評分減至低位，隨時可以反彈。至於第八場馬蕭蕭都傾向搏冷，賀廄既快搏，近仗轉戰田草非其擅長，睇返佢對上一次跑入三甲就係谷草千二，經過大半季之後再上從化操練，或可憑新鮮感輔助下交出成績。
