馬蕭蕭揀第3場，以「連連歡呼」做馬膽，配腳拖「極速贏」、「智智多寶」及「彭玥」，「連連歡呼」轉投游達榮馬房後，馬身壯得來有線條，體態極佳。
剛戰復出角逐1400米，步速稍稍偏慢，轉彎雖然能夠節省腳程，但直路要左穿右插取位，對於這匹高頭大馬不無影響，末段越追越近跑回第二，頭馬「觀天下」造出偏快的末段把完成時間推快，完成時間跟尾場偏快步速的三班頭馬「金勝名駒」接近相同，水準經得起考驗。復課再有兩課於草地拍跳，走勢仍然吸引，今戰對手減弱，可期補中。
配腳方面，「極速贏」剛戰表現令人失望，馬房也積弱一段時間，但試閘走勢並無不妥，換上布文，定必拚個明白。「智智多寶」上場佔形勢之利勝出，四歲馬開竅之後，有權繼續進步，論台型及長相，仍居四班應難留住，是正路的選擇。「彭玥」於晨課未算十分起勁，但上仗於田草1200米強組跟快步速都所負不遠，今場增程至1400米，按血統定必更加合適，同場放頭馬不多，應可佔步速之利，可作冷腳。
波仔揀第九場隸屬韋達馬房既「將義」做馬膽，四歲馬打疊兩場交出追勢，表現漸見穩定，然而總場次(063) 段速為前極快後偏慢，考驗馬匹氣量，所以對於初跑千六的牠末段仍有餘力追入一席的表現算出色，復課快跳更見上力，馬身對辦，艾道拿難得再掌印，鬥志無疑。
配腳同樣自揀出自同一場的「和平波」，此駒上仗也稍蝕步速，贏馬表現也具說服力，今場前置馬唔多，三檔起步有權再咬好位角逐。如果係無步速的話，外檔起步潘頓揀騎的「都靈星球」也有機會順勢切入，馬兒最近泥閘走勢仍對辦，新勝猶勇。另一匹當銳新勝馬「金勝名駒」上仗雖是雙賺頭馬，不過步速偏快仍然交出追勁，足見有一定氣量支持增程。
