波仔揀左其中幾課大閘走勢對辦馬匹比大家參考一下，第一場「特攻」上仗賽後轉上從化作小休，埋門加眼罩試大閘起步反應好，前後兼備，翻查此駒對上兩次有此安排後上陣取１亞１季，今次三檔起步亦預計可守靚位角逐，贏馬好時機。
第４場「時間寶」季初首次試谷閘對手非強，無太大壓力之下一放到底，而上月再試谷閘，沿途放頭韁口唔急，直路換腳後可力抗有推騎省磨的「你知我拼」，表現成熟進步，馬兒今仗排好檔，而且上仗亦見到識追，所以跑法較彈性。
第９場「有財有勢」埋門繼續有加油閘，起步唔慢之後拖後跟跑示人以弱，馬兒上仗三班入位，鄰近對手亦非朽木，相信練者唔想浪費馬兒狀態易配潘頓求補中。
