今次帶來的跟進馬是第九場蔡廐的「鐵金剛」。剛戰馬兒稍微洩慢步速，但都追得好。其次，直路內欄場地愈跑愈不利，所以見下半場開始很多馬匹都移出外面衝刺，而「鐵金剛」算直路走入面衝得好，相信這匹處女馬應很快能交代。
星期三九場谷草C+3欄賽事，選擇了兩匹均跑1650米的賽駒供大家參考。第三場四班1650米賽事，由湯普新策騎的「魔法速遞」為我心水馬匹。季內已兩win的牠其實潛力無窮，早於一月二十五日的試閘已顯出這匹質新馬開始開竅，競逐意識逐漸提升，所以之後的賽事仗比仗好。上賽臨場一滴飛都無，騎師陣上表現更為差劣，直路竟然選擇入面塞車，實在令人費解，但過終點後餘勢尚佳，證明馬匹尚有不少餘力未發揮。復課見馬身繼續靚，大閘仍有衝勁，今次一於給予多一次機會。
第八場三班1650米，上次作跟進馬的「大學生」今次應能再次贏馬。先看520場次，當日直路埋欄算不利，加上洩超慢步速，所以最後牠能夠追到第五都算不錯。而上賽作跟進馬的原因是因為當日場地偏利前置貼欄，而「大學生」早段三疊留後跑稍洩，最後都交出不錯後勁跑第四，所以當時絕對值得跟進。今場72分的「赤兔猴王」掛頭牌，這一組馬的實力應算均等，所以有同程賽績以及有formline 的馬匹要睇高一線。所以「大學生」今次要走入一席應算不難。
投注策略：WP 過關 2x3，第三場 ８「魔法速遞」及 第八場 ３「大學生」
