蔡廄戰馬經常以試閘來推升狀態，例如早前介紹的「紅運大師」及「有財有勢」今次第２場列陣的「氣勢」上仗贏馬後繼續往從化操練，近日再試一課八百米閘，馬兒起步反應甚利落，末段猶有餘勁直奔終點，狀態更進一步。
睇返呢馬３歲馬上仗前快後韌地贏馬，表現出色，今次繼續直路賽出撃，對手未算太強，有力再贏。
第３場有幾匹參戰馬一同係11月14日的泥地閘試跑，波仔當然同大家一齊檢閱啦，當中新勝馬「紅運大師」起步依然快閘，末段按住跟跑觀感對辦，老馬作戰狀態仍佳。其次「加飯」早段主動跟前走勢也見從容，狀態有進，今次兩駒排檔同樣理想，泥地賽程少，相信大家都會把握機會攻堅。
