第２場「自然力量」起步反應唔慢，而第三段步速更加慢至廿七秒下，一般長途馬比較均速，而且試大閘唔想用太多氣力之下，好多時都係順勢跟跑，所以最終名次一般都不用太介懷。
其次係第８場上陣既「一舖到位」直路無乜點望空，走勢都見貫注，呢匹５歲仔上次直路取位際遇一般跑入梗頸四，今次回師更有根據既谷草場地，同程亦有入位記錄，有力提升名次。
至於第５場「包裝全承」今季轉至容天鵬馬房得以初次上從化操練，十月十三日試千二米大閘起步反應不俗，直路移出外檔追勁亦好，今仗抽得內檔起步，如跑出上季同程入位時表現，相信在此組已名用。
跟「包裝全承」一同於當日出試的「勇敢巨星」今季頭兩個閘表現一般，馬房唔急於報名，直至埋門一課，馬兒直路於馬群中穿插而上，相信廄主同馬匹狀態有信心才安排報名，今次「勇敢巨星」將於第九場上陣。
