昨日國慶賽馬日上半場一來馬匹多屬中下班次，馬匹能力唔高，在未壓地前都幾有C+3「無欄無命」既特色，但壓地後第六場開始彎位走三疊馬並不吃虧，相信莫過於直路內欄疑似出現鴛鴦地的關係，所以大家做呢日功課時要留意總場次(061-065)入直路坎內欄既馬匹，正因如此，波仔都揀左一匹蝕左慢步速兼直路走左入面既馬作為跟進馬，佢就係「總理」，想知更多，即刻睇片。
而今次星期三波仔有幾匹之前揀既「跟進馬」上陣，當中包括「怡昌勇士」「勇威神駒」「福滿寶」同「皇者驕傲」，當中頭場既「怡昌勇士」出自總場次(022)，而鄰近輸近既「飛躍凱旋」，「無敵精英」，「喜悅一生」係最近呢兩次賽事都悉數交出表現，所以今次排一檔兼配馬房愛將布文，不拼可待。其他三隻跟進馬機會如何，當然想你們去睇片發掘一下啦。
波仔上期試閘馬評：「錶之銀河」九月四日的直路閘總時間不俗，而同組已有四至五匹賽駒已於陣上交出表現，所以在較不利路段有追勢的牠已吸引我眼球，接著第二課泥閘，馬兒在食沙後直路於馬群中穿插而上，由此可見此匹四歲馬頗有鬥心且成熟程度理想，今仗一檔起步，除了有機會賺是日跑道形勢外，今場亦不乏快馬，或有利牠後上追趕。
