上回堅仔試閘靚馬同大家睇［加非凡］係從化閘既表現時都提及到隔離白色衫果匹都要留意住，結果今次主角就當然輪到佢，而呢匹就係列陣第一場馬匹條件賽既［球星］呢匹三歲仔，上年六月已經開操，暑假到從化繼續有踱步無間歇，埋門谷草前後兼備，狀態及鋒而試。 另外伍廄今年同樣打快攻，不少試閘好既馬例如［我為您］［綠族光芒］上陣都有好表現。而另一匹試閘靚馬就係隸屬伍廄出戰第七場既［神虎龍駒］，賽前三課大閘課比課好，波仔就認為佢準備就緒，你又點睇呢！
波仔馬評：
「球星」外地三試大閘雖然不似剛剛週三介紹的「春風萬里」全勝，但最後兩個閘稍留下都追識入位同贏，可見已有一定成熟程度，馬兒上季六月中已作快跳，七月頭往從化後操練無間斷，埋門不論於從化及谷閘皆見前速及貫注力，而鄰近對手均在陣上有賽績證明的馬匹，故初出跑條件限制賽相信已夠用。
「神虎龍駒」四歲馬近五仗除了大前仗遇超級慢步速才輸得較遠之外，其餘都交出不俗表現，暑期首度北上從化操練，注入了新鮮感後大閘表現亦課比課好，狀態足以保持上季尾贏馬時，環顧今場前置馬唔多，現在跑法更見主動的牠有力爭連捷。
