今個星期三波仔雖然不繫好多跟進馬會上陣，但正所謂重質不重量，第五場「加非凡」上季雖然大熱門身份只能屈居亞軍，但數匹蹄下敗將翌仗再上陣表現不俗，所以出自keyrace慨渠，今仗排好檔屬打開勝門既好機會。
9月17日田B大利沿途內檔競跑既馬，所以波仔揀左一隻彎位蝕盡腳程追得好既馬做跟進。
波仔短評：
「加非凡」暑期一直於從化作踱步工序，算是沒有特別休息的賽駒，上仗看似大熱門身份落敗，但正常偏快步速沿途需要二疊望空競跑的牠難度比一步不蝕的「紅衣火旺」高，再看蹄下敗將「小刺蛋」「至尊高飛」「心想事成」之後再上陣都好快交到成績，足見此駒的亞軍水準絕不失禮。今場有正常步速的話，擁千四氣量及識得追的牠相信會好跑，是打開勝門的好時機。
「實力派」上仗賽前突然落雨不排除影響了馬匹情緒及發揮，而且末段移入中內欄亦屬不利場地，敗績可有藉口。埋門泥閘試來躍躍欲試，作戰意慾強，今場有「雅典武士」及及排中外檔的「電氣騎士」「電子宇宙」等快馬，估計早段步速應不慢，料採後上的牠會合跑。
