馬蕭蕭揀第4場「威武勇駒」，季內在三班兩次跑田草都有接近走勢，場地可以應付，上場在泥地1800米加速緩慢，但末段跟其後已補中的「慶萬家」齊齊追前跑回第四，針對轉彎至直路早段的走勢。
今次加眼罩上陣，賽事戴上此配備試閘走勢主動，作用正面，今場能交出更高水準的機會甚大，值得重視。第6場的「連連歡呼」上次相隔3個半星期囤積足夠的新鮮感出戰谷草1650米，強配潘頓排1檔，臨場落重飛，出閘後力騎欲守好位，怎料上口後未能穩定走勢，被逼放頭，敗象早呈。今次相隔27日再上陣，回氣期仍充足，賽事試閘的走勢十分吸引，近況又再回起，現評48分只要有正常發揮，足以取勝。
波仔揀第四場「英駿飛駒」翻步唔係特別靈活既佢，上仗轉跑谷草唔易跑，所以敗績我會抹去，睇返前一場雖然只得一席第六，但該場三甲馬均為後上馬，而同場前置馬大千眼界以及北海盜之後都補中，足見該場前置非常不利，所以今場無乜前置馬之下，搏佢二檔跟前賺返次形勢。
第十場「超霸勝」韋達搞轉倉馬除左以往滿貫摰友，揚威四方外，今季撼天鐵翼，紅逸舍，喜愛善等都有表現，足見練者訓練轉倉馬確有心得。今場快馬多，或者無賺埋步速形勢。
