波仔揀第二場「7.威武良駒」做馬膽，雖然季內兩仗名次一般，但前仗谷草留後先蝕慢步速，直路再走不利路段，上仗匆匆再跑千四快步速考氣量，所以敗績有藉口。
馬兒九月泥閘跟前食沙後有追勢，然而同父馬也不乏泥地根據，再查騎練近兩季合作成功率不俗，故初跑泥地不可不防。配腳「威力勇驥」上仗賽事段速及同場馬匹再出成績不太差，而牠陣上曾受擠阻可當無跑過，埋門泥閘跟跑後有追，初落五班兼轉場變數，可冷敲。「最多歡笑」上仗直路走內檔無望空失發力先機，但末段追勢仍然不俗，同程最有根據未可放棄。最後包返隻前置的「錶之多多」上仗季內初出未開氣跑一哩難度高，泥閘一再見前速一放而回，一檔起步如順利搶出，若場地利放會有優勢。
馬蕭蕭揀第4場，以「堅有利」做馬膽，配腳拖「加非凡」、年年友福」及「一鹿歡騰」。
「堅有利」是遲熟馬，上季尾才漸見進步，剛戰角逐五班泥地1650米彈離對手勝出，贏馬時間比同日的四班頭馬還要快2線，勝後再試一閘，操練沒有鬆懈，今場只需負115磅，對手難讓得起磅，跑法又彈性，穩膽之選。
配腳方面，「加非凡」兩戰泥地1650米取得1W1Q，最近兩場跑不合腳法的田草1200米，目標相當清晰，跑第六有獎金而減掉4分，果真是「又食又拎」，今場降至四班即回師此程，強配布文排2檔，當是爭勝分子。「年年友福」已跨季連續3場跑入三甲，演出穩定，剛戰能克服慢步速的劣勢後上勝出，勝後拍跳仍見活躍，勇態可以保持，有力再爭。「一鹿歡騰」試了3個大閘，千六米閘屬開氣性質，而第3課大閘則是測試泥地性能，在馬群中穿插而上，表現不俗，埋門再拍細閘催谷狀態，備戰完整，屬今場的最佳冷腳。
