各位馬位朋友，星期日沙田舉行十場草地日賽，重槌Ryan 為大家分析兩場賽事，第十場馬膽揀選一匹跑法被動今季後追多次接近，幕後曾經寄以厚望，連番拼搏可惜經常給予馬迷失望的表現，今期終於返回自己最佳路程兼配上何澤堯不拼何待的2號「喜旺駒」。
呢匹五歲澳洲自購新馬，前季在沙田同程千四米交出兩捷成績，今季只跑過一次同程取得殿軍，今次重返最佳千四米途程，而且落三班同程對手已經搏得頗盡，今次強手遠去而且有好檔之助，此駒跑法留守前置二疊好位，常常可以在直路上爆出廿二秒左右末段時間，完成時間貼近標準時間，預計今場有快放馬保證有步速形勢，幕後取勝心態心急如焚騎練出擊意慾強，加上何澤堯埋門親試彈草閘，重視之情可見一斑，相信臨場成為半熱門是我重心之選，搏這匹馬可以成功交代，實力馬膽我作首選，其他配腳留於影片供各位堅仔馬迷參考，謝謝。
另外一場介紹第三場馬膽取用馬膽2號「笑哥兒」，此駒今季狀態明顯起得較慢，評分亦一再下降至八十二分低位，馬匹在首本千八米路程經常可交出一段長距離的均速力，尤其以415場次快放特別強韌，該役頭三段快標準時間半秒，負著135磅排十二檔竟然快走唔斷末段仍負隅頑抗，均速力尤見利害，預計今場步速偏慢，希望沿途能守前置控制步速就可以一直領到底，如果臨場下雨更值得信賴，半冷門可以一試馬膽可作今場首選，配腳其中一匹是上次後上跑法追近岀色的「明亮天下」外，亦會推介另外兩匹冷熱兼備的邊線馬讓大家參考，影片內會詳盡講解。
