第一場「可愛新星」季內首度上從化操練，十二月兩試大閘起步以至末段走勢均見對辦，儲滿新鮮感後縮程一千，同場快馬多有力打開勝門，第三場「非惟僥倖」埋門跟不少當銳速高馬試千二閘。
沿途步速快之下，跑開中長途的牠試來唔算吃力，末段輕鬆趕上馬群，走勢不俗。同組「多巴先生」全程走勢稍欠利落之感，表現不過不失。
第四場「安泰」從化加油閘起步略略慢半拍，留居後列，雖然試閘名次一般，但只不過是鞍上人緊扣韁繩而已，跟狀態無關。同場初出馬「紫荊拼搏」三歲馬論拍跳已見有一定成熟感。埋門泥閘起步反應不弱，跟馬食沙後無太抗拒，直路移出取得平衡後追前走勢不弱。
「彭玥」埋門加眼罩試泥閘，起步唔慢，沿途走外疊走規順暢，直路換腳後未見想挨入的壞習慣，似乎配備有正面影響。
第五場「真心傳奇」從化閘起步稍稍慢，其後走勢後順勢而回，狀態循序漸進，同組「飛黃」起步反應對辦，全程企高身順勢跟跑，周俊樂停賽換上騎練首度合作的艾兆禮，未知會否留有以待。
第六場「越野大師」泥閘起步及前速均對辨，雖然最終大閘名次一般，但只是直路有馬受阻而隨之收慢而已，所以名次不用太理會。而「同祥和順」起步反應良好，希威森之後拖後較馬匹追馬，直路沿外疊上前走勢輕鬆，狀態猶在，面對三班賽駒，有力補中，此駒將出戰第九場。
第十場「平凡騎士」布文親試兩課大閘，而直路上都認真策騎同考驗，雖然趕過對手，但馬匹過步可以更俐落，毛水及收身仍有進步空間。而同一組有份試的「天將龍駒」起步拖後競跑，直路移出外檔雖然未能即時換腳，但馬兒也徐徐有追，直路中段換腳後上前亦有點勢頭，四歲馬來港適應不俗，排好檔大冷腳可以兼顧一票。
