今次介紹嘅兩匹馬分別係第6場四班1400嘅9號馬博愛先鋒同第10場三班1400嘅3號馬自力更生。博愛先鋒喺620場次贏佢嘅對手分別係有”球星”，亦有大家都認為勁嘅”增強”，所以推算呢場賽事水準唔差。
而呢匹馬已經連續兩場係慢步速不利追嘅情況下追得近 ，上仗由於排檔關係，沿途係尾競跑 入正直路先衝，騎師比落去隻馬亦交岀反應，結果以第四名過終點。另一方面，相信與場地近期遍淋亦有關，睇翻血統資料，呢匹法國馬父系岀自”好戰王”，係英、愛、法都分別贏大賽，以我呢兩年係英國嘅觀察，呢面普遍經常處於比較濕嘅氣候，岀現遍軟淋地係好正常嘅，所以推算遍淋應該會合呢匹博愛先鋒，如果天氣持續落雨，場地必更合此駒發揮，馬房來季從化開倉，可拼兼未交代嘅轉倉馬必盡爭取表現，以求其他有質素嘅馬匹來投，冷門馬之選！
自力更生5/5賽日場地時間遍快，但呢場645場次剛好相反 ，前兩段開46.5秒，比標準時間慢5線，而完成時間相對快而完成時間結果係平標準時間。 睇翻自力更新本身沿途走係包尾嘅第十一位，而係未兩段做岀44.3秒，而係直路得翻300米果時仍然仲係包尾，結果末段開岀22秒正而追翻上嚟，雖然看似對前四名馬匹冇大威脅，但走勢其實非常吸睛，廄主現時只欠兩場五班以上頭馬就畢業上岸，馬房鬥志不用懷疑，參賽馬匹必拼盡，值得一搏！
